#JusticeForKillua: Nagpalawig ng kaalaman ukol sa animal abuse

 

Umani ng atensyon at simpatya mula sa publiko ang hindi makatarungang sanhi ng pagkamatay ni Killua, isang 3-taong golden retriever na isinako matapos itong walang awang patayin ng isang lalaki nitong ika-17 ng Marso, 2024 sa Bato, Camarines Sur.

Photo source: Vina Rachelle Arazas Photo source: Isang Tasang Kape

Ang umano’y pangangagat at hindi normal na pagkilos ng aso ang itinuturong puno’t-dulo ng nagawang krimen ng lalaki na kinilala bilang kapitbahay ng amo ni Killua. Taliwas naman sa pahayag na ito, makikita sa CCTV footage na kuha sa harap ng bahay ng nasabing may-ari na si Vina, ang paghabol ng lalaki sa aso kasabay ang paghagupit niya rito gamit ang isang patpat na kahoy.

"And if nangagat man, it is not enough reason to kill my pet."

Iyan naman ang daing ni Vina sa isang Facebook post tungkol sa itinuturong dahilan ng lalaki. 

Dahil sa nagviral na hashtag na ito, umalingawngaw ang issue ng iba't-ibang kaso ng animal abuse sa bansa,

lalo na ang mga abusong dinaranas ng mga stray animals.

Pinuna ng mga netizen ang tila paglitaw ng diskriminasyon sa mga stray animals, partikular sa mga aspin,

dahil sa pag-ani ng mas maraming pansin ng naturang insidente kumpara sa mga kaso ng pang-aabuso

sa mga stray dogs. 

Sa kabilang banda naman, tinignan ng ibang netizen ang pagviral ng insidenteng ito bilang isa sa mga naging

gabay at nagbigay daan upang magkaroon ng espasyo ang mga ganitong pangyayari sa ating lipunan.