Paglubog sa Danas sa Brgy. San Gabriel sa Bayan ng Macabebe, Pampanga

By





                                                                      “MACABABAD”




                                         Final Report for Citizen and Community Journalism

                In Partial Fulfillment of the requirements of Bachelor of Arts Major in Journalism






                                                                                By:
                                                                   Dumagat, Angel S.
                                                                 Ventura, Beatriz Mae
                                                                          (Group 6)



















                                                                  “MACABABAD"

Sa lumipas na mahabang panahon kilala na nga ang bayan ng San Gabriel bilang isa sa mga lubos na naaapektuhan ng malalang pagbaha. Noon pa man ay nararanasan na ng mga residente ang pasakit na dala nito sa kanilang buhay, mula sa pang araw-araw na pamumuhay, dahilan kung bakit mabagal ang pag-usad para sa kanilang hanapbuhay, maging sa pag-aaral at simpleng bagay na hirap silang gawin dahil sa kinakaharap na paglaki at pagtaas ng tubig. Sa loob ng mahabang panahon, ay tila nanatili na lamang sila sa kung ano man ang kanilang kinagisnan. Dumating na nga sa punto na maski ang mga nakatira rito mismo ay binansagan na ang kanilang lugar na “Macababad” dahil ang lugar daw ng Macabebe ay lagi na lamang nakababad sa baha. Pinili naming bigyang pansin ang bayan na ito, sa kadahilanang hindi lang namin gustong bigyan ng lente ang hirap na kanilang dinaranas, kundi mabigyan ding diin kung ano man ang plano at mga naging hakbang kung bakit ganito pa rin ang maging sitwasyon at kalagayan ng ilang residente rito. May kinalaman ba ang mga namumuno o ang mismong mga nasa komunidad? Ano pa kaya ang ibang dahilan ang nakakadagdag sa problema ng nasabing bayan, ito kaya’y nakikita at alam ng mga tao? Ilan lamang yan sa binigyan naming lente sa isinagawa naming istorya. 


Bilang laging laman ng balita tuwing kasagsagan ng tag-ulan, habang isinasagawa namin ang aming istorya, minabuti muna naming magsaliksik sa kung ano mang mga suliranin na nagaganap sa bayang ito. Sa aming pagtungo sa bayang ito, agad na tumambad at sumalubong sa amin ang isinasagawang pagpapataas ng daanan upang bigyang kalutasan ang mga iniinda ng mga residente ng nasabing komunidad. Higit pa rito, ay aming nasaksihan ang mga ilang naiwang marka at pinsala na dulot ng mga nagdaang mataas na pagbaha. Upang bigyang importansya ang mga residente ng San.Gabriel ay minabuti naming dinggin ang kanilang mga hinaing sa pamamagitan ng kanilang pagbibigay boses. Sa paglubog nga sa kanilang mga danas at pakikisalamuha ay hindi sapat ang ilang araw at linggong pagtungo sa kanilang komunidad, sa kadahilanang hindi lamang malalang pagbaha ang kanilang iniinda, kundi ang ilang serbisyo na maghahatid sana sa kanila ng kaunting ginhawa gaya na lamang ng ayuda, kakulangan ng relief goods tuwing bagyuhan at tulong pang pinansyal para sa mga senior citizens. Higit pang isang problema ay ang hindi maayos na daluyan ng tubig gaya ng drainage system na magsisilbi sanang pang-iwas sa mataas na pagbaha at ang isa pang tinitignang dahilan ay ang mahigit dalawang dekada na iniwang matinding pinsala at bakas ng pagputok ng Bulkang Pinatubo, nagkaroon ng pagbabagong pisikal ang naturang bayan na siyang naging isang dahilan upang mas lalong lumubog ito. Kung susumahin ngang maigi ay hindi lang naman dapat pagpapataas ng daanan ang dapat maging solusyon. 



Mga ilang piling larawan sa kanilang kasalukuyang kaganapan:

Sa aming unang pagpunta ay makikita agad ang matinding pinsala ng mga nagdaang bagyo at matinding pagbaha sa kanilang lugar. Tunay ngang kasama na nila ito sa kanilang pang araw-araw na pamumuhay na nagsisilbing sagabal at nagiging pagkakakilanlan ng kanilang bayan.


kuha mula sa mga pathway at daanan



Makikita mula sa mga pathway na dinadaanan pati mga tulay at ang mga kabahayan na nilubog ang bakas ng baha, patunay na palagi itong nararanasan ng mga residente rito.




kuha mula sa Mababang Paaralang Elementarya ng San Gabriel




Makikita rin ang pinsalang dulot nito sa pag-aaral ng mga bata. Base sa mga nakausap naming bata na naabutan naming naglalaro malapit dito, hindi na daw nila nagagamit ang ibang mga silid aralan dahil na rin sa maputik at madulas ang mga ito. Makikita na hindi na ito isang ligtas na espasyo para sa mga mag aaral. Tuwing sasapit daw ang baha ay modular ang iniimplementa at ang ibang nakatira dito ay napipilitan mag enroll sa ibang eskwelahan dahil sa limitado ang mga silid-aralan para sa kanila.





Base sa aming nadatnan ay hindi sa pangkaraniwan na baha lamang ang nararanasan ng bayang ito. Sa ilang beses naming pagpunta ay makikita na marami sa mga kabahayan ang lubog pa rin, lalo na ang mga nasa looban. Naisip naming hindi ito pangkaraniwan dahil wala sa normal na lebel ang taas ng tubig kahit pa ang panahon ay tag-init at hindi pa panahon ng tag-ulan. Base sa mga nakapanayam naming residente ay mahirap lalo na kapag panahon ng sakuna at mga emergencies, hindi sila basta basta makalabas dahil kailangan ng bangka, maski kami ay nahirapan silang mapuntahan dahil sa kakulangan ng bangka, kung mayroon man ay limitado lamang at may mga diperensya na ang mga ito.



Maikling bidyo/pagbubuod kung saan makikita ang iba’t-ibang epekto ng matinding pagbaha sa kanilang pamumuhay



Upang malaman at mapakinggan ang plano ng mga kinauukulan sa lugar na ito minabuti namin makapanayam ang punong barangay ng San Gabriel na si Igg. Rolan Jayson S. Bantug at ito ang kanyang naging sagot;


BARANGAY OFFICIAL OF SAN GABRIEL (FINAL STORY) - Google Drive


- ring dike and pumping station by 2025. Ito ang isa sa mga nilolook forward na magawa ng administrasyon ng kanilang bayan, ngunit kapos pa sa plano kung paano at ano ang mga unang dapat gawin. Hindi rin namin nabigyang diskusyon ang budget dahil wala pa raw ibinibigay sakanilang konkretong plano hanggang ngayon.


Anu’t-anuman hindi naman mawawalan ng problemang kinakaharap ang isang bayan ngunit kung ito’y matagal ng iniinda, hindi ba’y repleksyon na ito ng palpak na serbisyo? Gaya nga ng pagtambad sa amin ng ginagawang daanan, hindi ba ito’y isang Band-Aid solution lamang? Sa pagtungo namin sa Pamahalaan ng Brgy. San Gabriel marami ngang proyekto ang naka-abang para sa bayang ito ngunit ang mga opisyales at mga residente ay parehas humihingi ng tulong sa mas nakakataas para matugunan ang problemang ito, mas kailangan ang may kakayahan upang mabigyang pansin ito ng mas nakararami. Matagal na ang panahon na humihingi ang bayan ng San Gabriel ng pansin sa isyung ito, ngunit tila hindi mapakinggan ang hiling nila ukol sa mas maayos at hindi pangmatagalang solusyon para sa kanilang bayan. Sa pagdaan ng araw mas lalo lamang silang nilulubog sa mga solusyon na pang madalian lalo na ngayon at lumalala na ang climate change at mas nagiging marahas na ang hagupit ng kalikasan







Comments

Post a Comment

Popular posts from this blog

'FILO ENGENES KEEP ON WINNING': Enhypen ties with PH fans bides stronger

By
Image
" Philippines is literally Enhypenland" Facebook user and fan account  Renci posted several captures of Kpop Boy Group Enhypen's billboards, ads, and posters erected around the country, last March 6. COURTESY: Renci | PHOTOS FROM THE ORIGINAL POST " Dumadami na talaga endorsement ng Enha dito sa PH, sobrang nakakaproud," Renci commented on their post. Philippine Engenes proved the country's power as one of the largest fanbases of Enhypen after the 3-day sold out concert last year, and organized fan booths near the concert venue. Indeed, an immense popularity in the country since their debut in 2020.  ROBINSON'S PLACE MALOLOS BENCH SATELLITE BRANCH DISPLAYS ENHYPEN WEARS POSTER, SERVING AS AN ATTRACTION TO THE CLOTHING BUYERS. Anew, after Enhypen's recent sold out tour here in the Philippines held at New Clark City Stadium, Tarlac on February 3, the group summoned the fans again to support the brands they are endorsing.  As have announced, the member...
CONTINUE READING »

Survey 1: Survey of community issues/problems among citizens of Barangay Binuangan, Obando, Bulacan.

By
Image
  SURVEY OF COMMUNITY ISSUES/PROBLEMS AMONG CITIZENS OF BARANGAY BINUANGAN, OBANDO, BULACAN     Citizen and Community Journalism Prof. Erik Palino Tenedero Bachelor of Arts in Journalism 2B Bulacan State University     Cañega, Angeline Concepcion Regine Inna A. Mananghaya, Jerico Paulo V.      2024 Introduction  Binuangan, Obando Bulacan is a coastal Barangay surrounded by rich water resources. Their primary means of livelihood is fishing which is why they are apprehensive about the construction of New Manila International Airport(Bulacan International Airport) by San Miguel Corporation. Building urban landscapes might be a sign of development but it drowns not only the area’s marine ecosystem but also the livelihood of the community. The construction of San Miguel Corporation in their coastal area brought a lot of challenges in their lives, especially in their primary source of living. Everyone is affected and the impact is already being fel...
CONTINUE READING »